...
Meira

Kæri landeigandi!

Nú fer fram vinna við endurskoðun aðalskipulags Strandabyggðar 2021-2033. Gefin hefur verið út skipulagslýsing fyrir verkið og er hún aðgengileg á heimasíðu sveitarfélagsins. Landmótun sf. var fengin til samstarfs við verkefnið. Hluti vinnu við endurskoðun aðalskipulags er að fá upplýsingar um núverandi og framtíðarnýtingu lands á svæðinu. Spurningalistar eru sendir á landeigendur og viljum við biðja þig að svara spurningalistanum eins ítarlega og unnt er. Svara má spurningum hér gegnum google. Einnig má senda svör í tölvupósti á kristin@landmotun.is eða á skrifstofu Strandabyggðar, Hafnarbraut 25, 510 Hólmavík. Eyðublaðið er aðgengilegt hér.

Svör óskast fyrir 15. maí n.k.

Með von um góðar undirtektir F.h. Strandabyggðar, Vinnuhópur um endurskoðun aðalskipulags.

Eftirfarandi tilkynning hefur borist frá Matvælastofnun.

"Ef vart verður við veika ósjálfbjarga fugla í nærumhverfi manna er möguleiki á að fuglinn sé veikur vegna smits af fuglaflensuveirunni. Þó litlar líkur séu taldar á smiti yfir í mannfólk eða önnur dýr þá mælir Matvælastofnun með að fyllstu varúðar og smitgátar sé gætt. Ekki skal handleika fugla sem mögulega eru taldir vera smitaðir af fuglaflensu, án tilskilins hlífðarbúnaðar. Almenningi er því ráðið frá að handleikaslíka veika fugla, en heldur beina erindi sínu til sveitarfélags, sem svo þarf að sjá til þess að gripið sé til aðgerða út frá dýravelferðarsjónarmiðum.  Ekki er ráðlagt að skjótaslíka fugla, rota eða skera m.t.t. smitvarna."  Hér eru ítarlegri upplýsingar um viðbrögð við fuglaflensu.

Fólki er því bent á að hafa tilkynna til skrifstofu Strandabyggðar 4513510 eða á netfangið strandabyggd@strandabyggd.is ef það verður vart við fugla sem svo er ástatt fyrir. Utan opnunartíma skrifstofu er fólki bent á að tala við lögreglu.

Kjörskrá liggur frammi til kynningar á skrifstofu Strandabyggðar á opnunartíma milli kl. 10 og 14 að Hafnarbraut 25 fram að kjördegi. Einnig getur fólk farið inn á slóðina http://www.kosning.is  til að kynna sér hvar það er skráð. 

Kjörfundur vegna kosninga til sveitarstjórnar

Ein kjördeild verður í Strandabyggð og er kjörstaður í Hnyðju, Höfðagötu 3 Hólmavík. Kjörfundur hefst kl. 09:00 laugardaginn 14. maí 2022 en kjörstaður verður opinn frá kl. 10:00 -17:00. Sbr. 1. mgr. 80 gr. laga nr. 112/2021 um kosningar.

Talning hefst í Hnyðju að loknum kjörfundi kl. 18.30

Kosning utan kjörstaðar

Atkvæðagreiðsla utan kjörfundar hefst 25.apríl og er staðsett í húsnæði dreifnámsins á efri hæð Sparisjóðs Strandamanna Hafnarbraut 19. Opið er í dag föstudaginn 13. maí til kl. 15 og á morgun kjördag frá kl.14.00 til 17.00. Kjósendur eru beðnir um að hafa með sér skilríki til auðkenningar sjá neðst á auglýsingunni:

...
Meira

Árleg hjólasöfnun Barnaheilla – Save the Children á Íslandi er í fullum gangi þessa dagana. Markmið söfnunarinnar er að börn og ungmenni í félagslega og fjárhagslega erfiðri stöðu eignist reiðhjól. Þannig fá þau tækifæri til að eflast félagslega auk þess sem lýðheilsuleg sjónarmið eru að baki sem efla bæði líkamlegt og andlegt heilsufar. Börnin geta þannig með auknum hætti verið þátttakendur í samfélagi annarra barna. Almenningur er hvattur til að gefa reiðhjól til söfnunarinnar og fara með þau á móttökustöðvar Sorpu á höfuðborgarsvæðinu og þar sjá sjálfboðaliðar um viðgerðir á hjólunum áður en þeim er úthlutað til barna og ungmanna sem að öðrum kosti gefst ekki kostur á að eignast hjól. Hjólasöfnunin stendur yfir frá 1. mars og verður hjólunum úthlutað fram til byrjun maímánaðar.

Umsóknir um hjól úr söfnuninni

Þeir sem hafa áhuga og þörf fyrir að sækja um að fá hjól úr söfnuninni er bent á að hafa samband við félagsþjónustu Stranda og Reykhólahrepps þar sem viðkomandi fær aðstoð við að senda inn umsókn. Umsóknarfrestur er til 1. maí 2022.

Hægt er að hafa samband við Soffíu Guðmundsdóttur, félagsmálastjóra, í netfang felagsmalastjori@strandabyggd.is og í síma 451-3510 eða Hjördísi Ingu Hjörleifsdóttur, starfsmann félagsþjónustu, í netfang hjordis@strandabyggd.is til að fá aðstoð með umsóknir.

Nánari upplýsingar 
Hjólasöfnun Barnaheilla | Barnaheill