Rekstur heilbrigðisstofnunar er margslunginn og mörgum þörfum þarf að sinna í því litla samfélagi sem slík stofnun er. Ýmsir koma nálægt starfseminni utan frá, t.d. prestar og sjúkraflutningamenn, sem ekki eru beinlínis starfsmenn stofnunarinnar. Einnig þarf að slökkva lestrarþorsta vistmanna, en bókasafnið á Ísafirði sér um þá þjónustu, enda staðsett rétt við hlið HSÍ, í fyrrum sjúkrahúsi svæðisins eins og lesa má í sögu spítalans.
