A A A

Bleikur dagur í dag

16.10 2014 | Ţröstur Óskarsson
Glćsilegur hópur í bleiku í tilefni dagsins
Glćsilegur hópur í bleiku í tilefni dagsins

Starfsfólkið lætur ekki sitt eftir liggja við að vekja athygli á bleiku slaufunni og baráttunni gegn krabbameini.

Fundur fulltrúa Velferđarráđuneytis međ starfsfólki

14.10 2014 | Ţröstur Óskarsson

Sæl öll

Þar sem fulltrúi Velferðarráðuneytisins Fjóla María Ágústsdóttir komst ekki á áður auglýsta fundartíma er komin ný tímasetning á fundi hennar með starfsfólki Heilbrigðisstofnunar Vestfjarða.

 

Sameining heilbrigðisstofnana kynningar- og vinnufundir verða sem hér segir:

  • Starfsfólk á sunnanverðum Vestfjörðum er hér með boðað á fund í matsal stofnunarinnar á Patreksfirði mánudaginn 20. október sbr. neðangreinda dagskrá.
  • Fundur frá kl. 13:30 – 15:30
  • Starfsfólk á norðanverðum Vestfjörðum er hér með boðað á fund í matsal á Torfnesi þriðjudaginn 21. október sbr. neðangreinda dagskrá. Sama dagskrá er á öllum fundunum.
  • Fyrri fundurinn 12:30 – 14:30
  • Seinni fundurinn 14:45 – 16:45

 

Mikilvægt er að sem flestir mæti og að stjórnendur deilda hliðri til eins og kostur er.

Bađlyfta gefin til legudeilda

12.09 2014 | Svavar Ţór Guđmundsson

Legudeildir Heilbrigðisstofnunar Vestfjarða fengu afhenta baðlyftu á dögunum en hún er gjöf frá Hraðfrystihúsinu Gunnvöru ehf og Minningarsjóði Margrétar Leósdóttur. Lyftan er mikið þarfaþing, hún getur lyft sjúklingi í liggjandi eða sitjandi stöðu allt frá gólfhæð upp í rúman metra frá gólfi. Þannig er nú hægt að baða með lítilli fyrirhöfn, hvort sem um er að ræða í sturtu eða baðkari, alla þá sem erfitt eiga með hreyfingu. Lyftan er knúin rafmótor og er með innbyggða vigt.

 

Starfsfólk stofnunarinnar færir HG og forsvarsaðilum Minningarsjóðs Margrétar Leósdóttur innilegar þakkir fyrir þessa höfðinglegu gjöf.

Heilbrigđisstofnanir sameinađar

10.07 2014 | Ţröstur Óskarsson

9/7/2014                               

  • Velferðarráðuneytið
    Velferðarráðuneytið

Heilbrigðisráðherra hefur í dag gefið út reglugerð um frekari sameiningu heilbrigðisstofnana. Samkvæmt henni verða stofnanir sameinaðar í þremur heilbrigðisumdæmum. Með þessu telst lokið sameiningu heilbrigðisstofnana í  öllum heilbrigðisumdæmum landsins, eins lög um heilbrigðisþjónustu nr 40 frá 2007 gera ráð fyrir.

  • Heilbrigðisstofnun Vestfjarða og Heilbrigðisstofnunin á Patreksfirði verða sameinaðar í Heilbrigðisstofnun Vestfjarða.
  • Heilbrigðisstofnanirnar á Blönduósi, Sauðárkróki, Fjallabyggð, heilsugæslustöðvarnar á Dalvík og Akureyri og Heilbrigðisstofnun Þingeyinga verða sameinaðar í Heilbrigðisstofnun Norðurlands.
  • Heilbrigðisstofnanir Suðausturlands, Suðurlands og í Vestmannaeyjum verða sameinaðar í Heilbrigðisstofnun Suðurlands.

Sameiningarnar taka gildi 1. október og taka þá nýir forstjórar við hinum sameinuðu stofnunum. Stöður forstjóranna þriggja verða auglýstar lausar til umsóknar og er umsóknarfrestur til 1. ágúst.

Markmiðið með sameiningu heilbrigðisstofnana er að styrkja rekstrar- og stjórnunareiningar, auka öryggi í búa með góðri heilbrigðisþjónustu og nýta fjármuni betur. Með sameiningum færist ákvarðanataka í auknum mæli frá ráðuneyti til heimamanna.

Í aðdraganda sameininganna munu verðandi forstjórar ásamt starfsmönnum ráðuneytisins hafa samráð við sveitarstjórnarmenn á viðkomandi svæðum.

Bilun í símkerfi

2.05 2014 | Svavar Ţór Guđmundsson

Um kl. 5 í morgun kom upp bilun í símkerfi stofnunarinnar. Eftir nokkurt hökt varð ljóst að það er ekki að komast í gang og er nú beðið eftir varahlut frá Reykjavík. Vonast er til að kerfið komist í gang seinnipartinn í dag.

Starfsfólk stofnunarinnar biðst innilegrar afsökunar á þessu en þó er hægt að ná sambandi við hana í gegnum aðalnúmerið 450 4500. Þó er eingöngu farsími í notkun við svörun og því er ekki hægt að gefa símtöl áfram. Tímapöntun er hins vegar eins og venjulega en þó er von á einhverjum töfum vegna þessa.

Vefumsjón