A A A

Heilsuvera í notkun

16.06 2017 | Svavar Ţór Guđmundsson
Svona lítur innskráningagluggi Veru út.
Svona lítur innskráningagluggi Veru út.

Nú hafa heilbrigðisyfirvöld tekið nýja tækni í notkun sem auðveldar einstaklingum að nálgast helstu upplýsingar í heilbrigðiskerfinu. Heitir þetta kerfi Heilsuvera og er hægt að skrá sig inn á það á vefnum www.heilsuvera.is. Athugið að til þess að geta skráð sig inn í Heilsuveru þarf rafræn skilríki sem hægt er að nálgast t.d. í viðskiptabanka hvers og eins.

 

Í Heilsuveru sér fólk helstu upplýsingar um það í sjúkrakerfum landsins. Einnig getur það sett inn beiðni um endurnýjanir lyfja og þarf þá ekki að hringja í viðkomandi stofnun til þess. Fær læknir þá erindi þess efnis að lyf þarfnist endurnýjunar og klárar hann þá beiðni að því gefnu að ekkert sé athugavert við slíka beiðni.

 

Í kerfinu er sumsstaðar hægt að panta tíma rafrænt hjá lækni, en því miður getum við ekki boðið upp á það hér fyrir vestan vegna þess hve vinnutími lækna er óreglulegur. Þeir þurfa stundum að vera á stofu, stundum á vakt og stundum á deild. Á þessu er engin regla vegna manneklu og því ekki hægt að skipuleggja sérstaka tíma í rafræna bókun. Vonandi getum við tekið þessa þjónustu upp sem fyrst en þangað til verður lyfjaendurnýjun að duga.

 

Hægt er að tengjast Heilsuveru á forsíðu stofnunarinnar, neðst til vinstri.

 

Við hvetjum alla til að skrá sig inn á Veru og skoða þá möguleika sem þar eru í boði, sjón er sögu ríkari.

Heilsufarsmćlingar á Vestfjörđum

18.05 2017 | Svavar Ţór Guđmundsson

Hjartaheill og SÍBS í samstarfi við sveitarfélög og Heilbrigðisstofnun Vestfjarða munu bjóða Vestfirðingum ókeypis heilsufarsmælingu 24.- 26. maí í stað þeirra sem frestað var 10.-11. maí vegna veðurs. Mælingarnar ná til helstu áhættuþáttta lífsstílssjúkdóma þar sem mældur er blóðþrýstingur, blóðsykur, blóðfita, súrefnismettun og styrkur auk þess sem boðið verður upp á öndunarmælingu fyrir þá sem mælast lágir í súrefnismettun. Jafnframt gefst þátttakendum kostur á að svara lýðheilsukönnun. Fræðsla um lífsstílstengda sjúkdóma verður í boði, hjúkrunarfræðingar frá heilsugæslunni verða á staðnum og veita ráðgjöf og eftirfylgd.

 

Heilsufarsmælingarnar verða á eftirtöldum stöðum:

 

Bolungarvík, Höfðastíg 15, miðvikudaginn 24. maí, kl. 14 – 17

Suðureyri, Aðalgötu 2, miðvikudaginn 24. maí, kl. 19 – 21

Ísafirði, Torfnesi, fimmtudaginn 25. maí, kl. 11 – 15

Súðavík, Grundarstræti 1, fimmtudaginn 25. maí, kl. 17 – 19

Þingeyri, Vallargötu 7, föstudaginn 26. maí, kl. 10 – 12

Flateyri, Eyrarvegi 8, föstudaginn 26. maí, kl. 14 – 16

 

Þátttakendum gefst kostur á að fá sínar niðurstöður sendar í tölvupósti ásamt heildarniðurstöðum. Oddvitar, bæjar- og sveitarstjórar munu opna mælingarnar í sinni heimabyggð.

Frekari frestun á heilsufarsmćlingum

11.05 2017 | Svavar Ţór Guđmundsson

Eitthvað er vorblíðan að stríða okkur því nú hefur verið ákveðið að fresta heilsufarsmælingum enn frekar og verður ekki reynt í dag eða á morgun. Ný dagsetning verður auglýst síðar, bæði hér sem annars staðar. Beðist er velvirðingar á þessu.

Frestun á heilsufarsmćlingum

11.05 2017 | Svavar Ţór Guđmundsson

Vinsamlegast athugið! Heilusfarsmælingar á Ísafirði falla niður vegna veðurs, reynt verður að hafa mælingar á sama tíma á morgun. Takist það ekki heldur verður látið vita hér. Reynt verður að fara á Suðureyri, Súðavík og Bolungarvík á auglýstum tíma.  

Heilsufarsmćlingar á Vestfjörđum

8.05 2017 | Svavar Ţór Guđmundsson

Hjartaheill og SÍBS í samstarfi við sveitarfélög og Heilbrigðisstofnanir Vestfjarða og Vesturlands munu bjóða Vestfirðingum ókeypis heilsufarsmælingu 9.-12. maí næstkomandi.

Mælingarnar ná til helstu áhættuþáttta lífsstílssjúkdóma þar sem mældur er blóðþrýstingur, blóðsykur, blóðfita, súrefnismettun og styrkur auk þess sem boðið verður upp á öndunarmælingu fyrir þá sem mælast lágir í súrefnismettun. Jafnframt gefst þátttakendum kostur á að svara lýðheilsukönnun. Fræðsla um lífsstílstengda sjúkdóma verður í boði, hjúkrunarfræðingar frá heilsugæslunni verða á staðnum og veita ráðgjöf og eftirfylgd.  

Guðmundur Löve framkvæmdastjóri SÍBS mun að þessu tilefni halda erindi um "Stóru myndina í heilbrigðismálum" í Fræðslumiðstöð Vestfjarða Ísafirði 11. maí kl. 12-13.  Fjarfundur verður á Patreksfirði. 

 

Sjá dagskrá fyrir SÍBS Líf og heilsa verkefnið í heilsugæslum í: 

Patreksfirði, Stekkum1, þriðjudaginn 9. maí, kl. 18 - 20

Tálknafirði, Strandgata 38, miðvikudaginn 10. maí, kl. 10 - 12

Bíldudal, Tjarnarbraut 3, miðvikudaginn 10. maí, kl. 10 - 12

Þingeyri, Vallargötu 7, miðvikudaginn 10. maí, kl. 16 - 18

Flateyri, Eyrarvegi 8, miðvikudaginn 10. maí, kl. 17 - 19

Ísafirði, Torfunesi, fimmtudaginn 11. maí, kl. 10 - 14

Suðureyri, Aðalgötu 2, fimmtudaginn 11. maí, kl. 15 - 17

Bolungarvík, Höfðastíg 15, fimmtudaginn 11. maí, kl. 15 - 17

Súðavík, Grundarstræti 1, fimmtudaginn 11. maí, kl. 18 - 20

Drangsnesi, Holtsgata/samkomuhús, föstudaginn 12. maí, kl. 10 - 12

Hólmavík, Borgarbraut 6-8, föstudaginn 12. maí, kl. 14 - 17.

 

Reglulega verður greint frá niðurstöðum mælinga á Facebook síðu SÍBS auk þess sem þátttakendum gefst kostur á að fá sínar niðurstöður sendar í tölvupósti ásamt heildarniðurstöðum. Oddvitar, bæjar- og sveitarstjórar munu opna mælingarnar í sinni heimabyggð.

Vefumsjón